Chegou o día de lavar a Chispa, o can dos seis irmáns Bolechas. Como non cabe na tina, teñen que metelo na bañeira. E para animalo acaban entrando todos, ata o pequeno Tatá. O malo é que despois de se secar, ao levalo de paseo, meteuse na lameira ¡co limpo que estaba!
Comeza con este libro unha moi atractiva colección en capa dura e ilustracións a cores sobre os seis irmáns Bolechas, de Carlos a Tatá, o da chupeta. Sen esquecer o sétimo, o husky siberiano Chispa.