A Carlos róncanlle as tripas coa fame, polo que come nas croquetas de Chispa. Logo, a comida dos peixes, pero cando sabe de que está feita séntese anoxado e pega a comer galletas, até que a mai os chama para cear. Sonia non pode co sono e dórmese ceando, polo que a mai déitaa, mais como quere durmir co osiño, e Tatá tamén, acaba deitándoos aos dous co osiño entre eles. Veñen entón os irmáns para as camas, nas que Chispa se mete até que o botan. Finalmente, acaban levantándose todos: Chispa encheu as camas de pelos e agora non hai quen durma coa rañeira.
Nova serie dos populares irmáns Bolechas, presentada en catro cadros gráficos por páxina, á maneira da banda deseñada.