Toca erguerse para ir ao colexio, pero Braulio ten aínda tanto sono que se lía vestíndose e os irmáns Bolechas acaban perdendo o autobús. Menos mal que pasa pola parada a mai dunha compañeira e conseguen meterse no seu coche, que por certo xa ía cheo. Até que queda sen gasolina. Entón cámbianse para o do pai doutro compañeiro: un camión de formigón, que vai remexendo polo camiño e fai que todos os viaxeiros treman. En todo caso, acaban con ben a aventura: conseguen chegar á escola á hora.
Nova serie dos populares irmáns Bolechas, presentada en catro cadros gráficos por páxina, á maneira da banda deseñada.