Conta unha voz infantil que unha bolboreta voaba polo patio do colexio e fixéronse amigos dela, poñéndolle o nome de Doreta. Un día puxo os ovos nunha verza e, como tiña que marchar, encargoulles que mirasen por deles. Consultaron nun libro da biblioteca e prepararon unha caixa na que meteron a folla da verza cos ovos. Logo saíron dos ovos unhas eiruguiñas, ás que lles cambiaban a verza para que cada día tivesen comida fresca. Medraron, convertéronse en crisálidas, que outro día xa eran bolboretiñas amarelas, que non tardaron en voar en liberdade, entre a alegría de todo o colexio.
Moito aprenderon das bolboretas grazas a Doreta!
Álbum con texto mínimo e amables ilustracións inxenuistas.