Rita cóntanos en primeira persoa as vivencias cotiás da súa familia a partir da chegada do seu irmán Marcos. Os pais non poden cos nervios e non paran de rifar porque o bebé non os deixa durmir polas noites.
A imaxinación da pequena Rita xa ve o pai sen traballo e a toda a familia na pobreza, así que soña que vende a Marcos ao seu amigo Pedro. Pero cando esperta, alégrase de que todo fose un soño e decátase de que non desexa vender o seu irmán.