"A palabra é como a cabra: corre libre polo monte", anuncia Gloria e deixa as palabras en liberdade a cantar os paseos do canguro Arturo, do elefante con dor de moas e sen complexos por ter trompa grande e rabo pequeno, da foca que toma o sol no Caribe, do oso namorado, do lobo enfermo, do cempés coxo ou do crocodilo farmacéutico porque non gañaba para cepillos de dentes, pero un día que tiña fame comeu un cervo cliente...
Os animais namóranse e enferman, cortan o pelo e non saben pronunciar o r... Por iso son tan compañeiros de xogos.
E neste libro xogan en versos cálidos e sonoros como cancións.