A tartaruga Pepa atopou un día un ratiño mancado ao caer dunha nogueira, que lle pediu que o levase á casa no cacho pois non podía andar. Así o fixo ela. Os animais pensaron ao vela que sería bo ter un autobús na selva, e que moi ben podería ser ela. E a partir dese día tivo que soportar enriba un can, un león logo, despois o xabaril e mesmo unha xirafa. Todos querían probar que tal se viaxaba enriba da tartaruga. Até un hipopótamo, ao que aturou enriba sen dar un paso. O peor foi que Robustina, a elefanta, tamén pretendía probar. Menos mal que o ratiño a asustou antes de subirse e convenceuna de que ela sería o mellor autobús da selva.
E todos o celebraron cun sorriso, como o lector, reconfortado coas elocuentes ilustracións.