Uxía vai xogar ao parque e atópase co amigo Fito, que lle mostra o can que atopou choromicando no portal da casa. Tamén está xogando á pelota Pipo coa súa amiga Noa. O cadelo empeza a brincar con ela ou coas pombas. Os catro intentan atopar o dono, pero segue sen aparecer. Mentres, o can, que non ten paraxe, bota a correr cara a un home, un veciño de Fito, que resulta ser o amo, quen, agradecido, cómpralles unhas larpeiradas por lle ter atopado o can. E os catro rapaces quedan para xogar ao día seguinte.
Primeira entrega desta serie de aventuras na que as ilustracións xogan un papel moi relevante ao servicio do texto mínimo, de dúas liñas. Nela coñécense os catro amigos, Uxía -a aventureira-, Fito -compañeiro de clase dela-, Pipo -que quere ser futbolista- e Noa -a máis pequena do grupo.