Recompilación de textos tradicionais do mundo da infancia. De cancións de anainar ou de berce, sinxelas e breves, que teñen como función tranquilizar e acariñar os máis pequenos procurando ser unha porta para o descanso, polo que teñen unha estrutura básica, un léxico mínimo, lene e con palabras de agarimo. E de cancións de roda, que basean na sonoridade, aliteración e paralelismos a súa eficacia tanto para a memorización como para propiciar o xogo de colectivo.
O traballo de ilustración, concibido en sintonía coas propostas textuais, consegue unha eficaz lectura visual.