Como Ana acababa de mudarse de casa, invitou a dous amigos a merendar. Ensinoulles o seu cuarto, cun armario tan grande que non puideron resistir a tentación de meterse nel. O peor foi que non daban saído e cando, por fin, deron aberto a porta atopáronse diante dun castelo. Entraron. O dono, Lois III, contoulles que estaba a piques de chegar o dragón que estragaba as colleitas e tiña aterrorizada a toda a xente. Estaban no ano 1020 e eles debía ser os enviados para liberar a todos os habitantes da tiranía do monstro. Menos mal que a Manoliño ocorréuselle premer o botón da máquina dos videoxogos: de súpeto, o dragón desapareceu.
Tamén gracias á máquina volveron ao futuro, ao armario e ao cuarto de Ana. Só que agora Manoliño tiña na máquina un novo videoxogo dun castelo e un dragón.