Un día que foron ao monte os ratiños de Luísa e Roxelio, trouxeron sementes e flores. Puxeron a landra nunha maceta e agromou unha planta que co tempo medrou que metía medo. Como a maceta xa lle era pequena, levárona a fin de semana á aldea: cavaron unha poza nunha chousa abrigada, achegáronlle terra e regárona ben. Na próxima fin de semana virán vela e traeranlle máis auga.
Con texto mínimo rimado e sinxelas ilustracións a toda páxina e a cores, péchase o conto, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".