A araña María é tecelá: tece con liño, con seda, con la... panos, mantas ou sabas; tamén é xastra ou costureira: tanto fai un traxe como arranxa unha saia, zurce ou remenda. E se lle queda tempo aínda palilla. ¡Como ten tantas mans! Na súa arañeira traballa arreo, de día e mesmo a noite enteira.
Con texto mínimo rimado e sinxelas ilustracións a toda páxina e a cores, péchase o libro, como todos os da colección, coa fórmula "Luísa, Roxelio / e mais os ratiños / esperan que vos gusten / estes seus contiños / ¡Abur!".