Libro con grandes ilustracións a cor e moi pouco texto no que se narra a historia da Señá María. Para saír da súa soidade, a protagonista busca como animais de compañía un luminoso vagalume, un calmoso caracol, unha moura vacaloura e un fero camaleón. A noticia corre de boca en boca e, ó final, a Señá María acaba cun luminoso camalume, un calmoso vacacol, unha moura caraloura e un fero vagaleón, como compañeiros.