Un home que volvía de traballar atopou no camiño un elegante cabaleiro que lle deu un queixo de catro puntas, co que se faría rico se llo entregaba íntegro a Ana Manana nunha fontenla. Como viña de lonxe, pasou antes ver a súa familia, agachando o queixo, pois debía manter o segredo da proposta. Pero a muller descubriuno de noite e comeulle unha punta.
Acudiu á fontana e chamou tres veces a Ana Manana, que apareceu, fermosísima, e tirou o queixo ao chan, que se converteu nun cabalo de só tres patas por culpa da punta do queixo que faltaba. Ela, condenada a quedar para sempre na fonte pois o cabalo non a pode levar, furiosa, regaloulle unha faixa para a muller.
Tan sequera que a el ocorréuselle probala nunha sobreira, que ardeu ao momento. Salvou entón a vida da súa familia.