Preséntase neste conto en verso un baile de animais nun pazo. Coa orquestra do Burro Ramón como trompetista, a Vaca Ciriaca tocando o tambor e o galo cantando todos o pasaban bomba, agás o Gato Gota. Non lle gustaba o baile e só cavilaba en como pillar un rato. E mira ti por onde o pillabán do rato Donato veuno sacar a bailar, propoñéndolle logo con moito teatro de iren ao tellado por ser un recuncho máis tranquilo para o amor. O gato deixouse levar. Mais era unha trampa: alí estaba agardándoo o Can Pirillán.
Escapar escapou del guindándose desde o tellado, pero nunca máis tivo a tentación de cazar un rato finxíndolle amor.