Estaba a amora no seu lugar, triste e a penar. ¿Pensaba que ninguén a ía tocar? Pois veu e probouna a mosca que papou a araña que rillou o rato que zampou o gato que trabou o can ao que lle petou un pao que queimou o lume que apagou a auga que tragou unha vaca que matou un home que levou a morte.
Adaptación a partir do conto popular. Arredor dun eixo estrutural construído sobre a pregunta "¿Pensaba que ninguén o ía tocar?" na que vai cambiando o protagonista, artículase un encadeado progresivo ao que se van sumando os suxeitos precedentes. Como é característico na colección o creativo traballo de ilustración preséntase en formato álbum a dobre páxina e a cores.