Conxunto de 25 adiviñas en verso breve e áxil con forte sabor popular no que as onomatopeas, anáforas e estruturas paralelísticas converten as rimas en pequenas melodías. O xogo das palabras figura dobremente ilustrado, pois mínimas ilustracións substitúen algúns grafemas proporcionándolle ao texto un dinamismo visual tipográfico moi atractivo.
Os protagonistas son animais diversos (dende o mosquito á balea, dende o can á bolboreta...), grandes e pequenos, bos e malos, de terra, mariños e aves... Todos eles forman parte da cultura tradicional ou móvense no territorio común da infancia.