Conxunto de doce adiviñas en verso, orixinais, centradas nos animais (a ra, o caracol, o vagalume, a gata, o verme, a tartaruga, o grilo e a araña), que se pechan con senllos xogos verbais de adiviñación sobre o sol, a lúa e mais o xirasol.
A sonoridade e o ritmo atenden a súa función elemental de oralidade. O colorido da edición, con ilustracións moi directas a toda páxina que na súa cor básica agrupan o texto coa solución explícita, convértenas nun agasallo visual que non pode pasar desapercibido.