Xulio Cobas Brenlla: Adiviñas para xogar
Ilustracións de Xan López Domínguez
Col. Ala Delta, 22. Serie Vermella. Ed. Edelvives. Zaragoza, 1992

Recompilación de vinte adiviñas populares que supoñen un intento de recuperación desta parte do noso patrimonio cultural, cada vez menos presente no espacio colectivo. O corpo, os animais ou a natureza constitúen os eixos temáticos dos versos sinxelos e sonoros que buscan unha doada memorización. Nalgúns casos, a solución é narrativa.
A concepción lúdica da edición, con creativas ilustracións que permiten unha segunda e atractiva lectura, completa magnificamente o interese da obra.