Textos rimados sinxelos que conteñen once adiviñas de temática próxima aos pequenos lectores. Hai elementos do mundo cotián como as agullas do reloxo, a goma de borrar, a cadeira, a tixola, as tesoiras, o disco de música ou os zapatos; outros lúdicos como o carrusel ou o popular personaxe do gato con botas; ademais, figuran o tren ou o carro máis que como medios de transporte como símbolos tamén do imaxinario infantil.
As ilustracións, nas que se integra o texto, son relativamente explícitas, formando deste xeito parte do xogo de adiviñar. Só ao final se revelan as solucións.