Rosalía de Castro: Adiós ríos, adiós fontes
Ilustracións de Rodrigo Chao Blanco
Col. Xiz de Cor, 6. Ed. Baía. A Coruña, 2005

Lectura en imaxes do poema de Rosalía de Castro pertencente ao libro Cantares Gallegos, alternando as páxinas ilustradas a cores con outras en branco e negro e trazo de debuxo que poden ser coloreadas polos lectores. Esta curiosa presentación editorial en formato álbum combina o texto clásico da literatura galega cunha concepción gráfica moi actual e atinada para que os primeiros lectores se acheguen á obra rosaliana.