Reúne as narracións premiadas no XI Premio Ourense de Contos para a Mocidade 1994 convocado pola Casa da Xuventude e a Agrupación de Libreiros de Ourense. Ao final inclúe unha ficha na que se detalla a composición e fallo do xurado, así como a relación dos 55 participantes, que presentaron un total de 70 contos.
O conto gañador do premio "Ourense" nesta edición foi "A Recortada", de Mª de los Ángeles Alfaya Bernárdez (xerme da novela A recortada). Publícanse, ademais, os catro accésits: "A Ninfómana de Meaus", de Antonio Riveiro Coello, "Competitividade inútil dos noventa", de Virxilio Rodríguez Vázquez, "Estampa mecanoscrita dun can de palleiro", de Pablo Vázquez Pereira (como o precedente, autor menor de 17 anos), e "Noite e paraxe en Sara", da autoría de Rafa Villar.