Cada tarde aparecen na casa de Victoria tres amigas da súa mai que beben centos de tazas de café, fan trampas ás cartas e aínda por riba cheiran fatal. A nena confírmao axexándoas por baixo da mesa, pero a mai non quere darlle creto. Pasan entón a ser as súas inimigas.
Un día chega unha nova amiga. É diferente: arrecende a caramelo de limón. Victoria descobre, furgándolle no abrigo, que todas as súas cousas teñan o mesmo arrecendo. ¡Se ata leva unha variña máxica como a fada que debe ser! Será ela o instrumento da súa vinganza.