Cuca é unha cadela sen dono que vive na rúa baleira de agarimo. Rebusca a comida nas bolsas de lixo, en competencia ás veces cun abrigo marrón. Fermosa malia todo, xúntase cun dos seus moitos pretendentes e en pleno verán ten sete cadeliños que asombran coa súa alegría a todo o barrio. Cando chega o frío Cuca déixaos, así coma quen, abandonados e espertan a solidariedade de todos, que os recollen para as súas casas.
Entón xorde de novo o abrigo marrón con voz doce, ollos afectuosos e pel enrugada e moura. Agora si que lle fai caso e marchan os dous vagabundos polo mundo adiante.