Profesora de Lingua e Literatura Galegas na Ensinanza Secundaria, é autora de libros didácticos relacionados co estudio da lingua e da literatura do noso país, ademais de crítica literaria no campo da literatura infantil e xuvenil, con colaboracións na prensa e intervencións en diferentes cursos e xornadas.
    Estudiosa do tema de coeducación, defínese como feminista independente e promoveu con outras mulleres da cultura a publicación da Revista Galega de Mulleres Festa da Palabra Silenciada, co obxectivo de potenciar a creación feminina e o pensamento feminista.
    Deuse a coñecer como escritora infantil co conto O rei de nada, polo que recibiu o 1º Premio no Concurso de Contos Infantís "O Facho" en 1979.