Licenciado en Filoloxía Románica, exerce como profesor de Literatura na Ensinanza Secundaria. Autor tamén de obra narrativa e de edicións críticas de clásicos contemporáneos da literatura galega, é un dos nosos poetas máis recoñecidos. A súa obra lírica ten merecido distincións como o Premio Esquío ou os da Crítica Galega e Española.
   Colaborador en diferentes medios xornalísticos e iniciativas cívicas, participou durante oito anos na directiva da Asociación de Escritores en Lingua Galega, da que mesmo foi presidente.