O traslado familiar para Ferrol permitiu a súa integración desde a nenez na cultura galega. Enxeñeiro de telecomunicacións, comezou a escribir en galego letras de cancións para Andrés do Barro. Autor dunha prolífica obra narrativa e cronista de viaxes varias, coa súa Patagonia e Arxentina a miúdo como un pano de fondo inalterable, aproximouse á narrativa para lectores xoves con textos que son tamén crónicas dun tempo histórico.