Útil introducción ao teatro infantil-xuvenil galego que se abre cun pequeno percorrido histórico sobre diversos aspectos relacionados coa práctica teatral infantil, seguido dunhas breves orientacións para a montaxe de espectáculo cos nenos.
A parte central do libro constitúea unha análise de dezaoito obras de autores galegos, desde clásicos como Blanco Amor ou Carballo Calero a contemporáneos como Manuel María ou Xesús Pisón. Inclúe unha relación de personaxes e sinopse argumental de cada obra, así como referencias aos temas, idade do público, ambientación, enfoque e suxestións varias para a súa posta en escena ou o traballo na aula.
Péchase cunha relación de títulos publicados e textos de teoría e práctica teatral.

69 p. - 19x11 cm.                                                         ISBN    84-453-0210-8