Ensaio sobre a presencia da imaxe nas obras para lectores novos que analiza en primeiro lugar o papel, importancia e funcións da ilustración nos textos literarios infantís. Reflexiona logo sobre as abordaxes técnicas posibles, desde a vangarda ao infantilismo na encrucillada da continuidade coa tradición e a súa lectura universal.
Logo de referirse aos precursores da arte da ilustración en Galicia como Castelao e de destacar o labor dos deseñadores gráficos na concepción das coleccións ou na súa aportación ilustrándoas, centra a súa atención en oito creadores.
Xoán Balboa, Pepe Carreiro, Fran Jaraba, Xan Lopez Domínguez, Xaquín Marín, Maife Quesada, Manolo Uhía e Miguel Vigo motivan unha introducción á estética das súas obras e mais a análise dunha ilustración concreta.

70 p. - 19x11 cm.                                                         ISBN    84-453-0212-4