Primeira grande aproximación á historia da literatura infantil-xuvenil galega. Contextualiza os datos no correspondente período histórico-social en relación coa presencia na cultura occidental da literatura que ten como destinatarios os lectores novos. Rastrexa textos na historia da nosa literatura que poden ter como receptores ou protagonistas os rapaces e xoves, sen esquecer a súa presencia nas publicacións periódicas.
Estructurada en seis capítulos, analiza o interese dos escritores e a súa presencia na Idade Media, nos séculos XVI-XVIII, no XIX (coa irrupción dos textos pedagóxicos ou con vocación escolar) e divide o século XX en tres etapas: de 1900 a 1939, do 39 ao 66 e do 66 á actualidade.
Cun amplo traballo documental, que inclúe os autores galegos con obra infantil-xuvenil en castelán, cataloga tematicamente os diferentes xéneros, e recolle as diferentes coleccións literarias, publicacións de prensa infantil, literatura audiovisual, nómina de premios, os textos dos propios rapaces e as aportacións dos ilustradores.
Inclúe ademais un apéndice cos premios galegos de literatura infantil e xuvenil.

138 p. - 22x15 cm.                                                         ISBN    84-404-9959-0