Catálogo de libros infantís-xuvenís en galego publicados no ano 1995 en primeira edición. Recolle o conxunto da producción literaria dese ano, tanto os textos publicados orixinalmente en galego como as traduccións á nosa lingua.
Ordenados alfabeticamente por autores, cada libro preséntase cunha ficha bibliográfica, a sinopse argumental e unha recomendación-indicación sobre a idade lectora, na que se diferencian catro categorías (Prelectores e primeiros lectores, Lectores autónomos, Xoves lectores e Xoves adultos). A obra inclúe un apéndice cos índices de autores/as, ilustradores/as, traductores/as, títulos, coleccións, editoriais, idades, xéneros, obras en idioma orixinal e obras traducidas.
Esta obra, imprescindible para o coñecemento da evolución da nosa literatura infantil-xuvenil, é froito dun traballo de equipo coordinado por Carmen Bar Cendón, Xulia Barros Barros e Mª Xesús Fernández Fernández. Encargouse da catalogación Carme Bar Cendón, da Biblioteca Pública Municipal de Narón. A ilustración de cuberta é da autoría de María Fe Quesada e a de contracuberta de Xulia Barros.
A edición foi promovida pola Asociación Galega do Libro Infantil e Xuvenil (Gálix), coa colaboración da Dirección Xeral de Promoción Cultural da Consellería de Cultura e Comunicación Social da Xunta de Galicia.