Miguelanxo Prado: Os compañeiros. A orde de pedra
Guión de Tino Fernández Maceiras
Col. Biblioteca FEIMA. Clásicos da historieta galega. El Patito. Santiago, 2008

Recompilación de sesenta e tres tiras publicadas orixinalmente nos anos 1980 e 1981 nun xornal galego, ademais de sete pranchas que quedaron inéditas. As reflexións en clave humorística de cinco personaxes diferenciados pola súa visión do mundo, máis realista e experimentada ou máis idealista, e de dous cans, con pensamentos ás veces máis atinados que os dos humanos, teñen o interese engadido de constituír un dos primeiros traballos do artista gráfico que pasados os anos acadou recoñemento internacional.