Bases:

PREMIO RAÑOLAS DE LITERATURA INFANTIL E XUVENIL

1. O PREMIO RAÑOLAS DE LITERATURA INFANTIL E XUVENIL ten como obxectivo salientar o carácter sobranceiro dun libro de calquera dos xéneros literarios de ficción editado orixinalmente en galego.

2. Constitúe un recoñecemento público da calidade literaria dunha obra e do seu autor, sen valorar outros aspectos da producción editorial nin incluír as edicións de carácter colectivo ou autor anónimo.

3. Só poderá ser distinguido co premio un dos libros publicados en primeira edición no ano precedente ao da reunión do xurado.

4. Considérase infantil ou xuvenil todo texto que se dirixa preferentemente a estas idades lectoras e se presente, se é o caso, nunha colección destinada a elas.

5. O xurado estará formado por un autor, un traductor, un crítico ou estudioso da literatura infantil-xuvenil, un ilustrador e mais un lector. A súa composición manterase en secreto ata que decida o premio.

6. Cada un dos seus membros deberá facer unha preselección na que figuren un máximo de cinco obras. Todas elas formarán a relación oficial de candidatos preseleccionados, que a organización remitirá aos compoñentes do xurado, para o seu coñecemento exclusivo e previo á data das deliberacións, sen indicación de preferencias.

7. O sistema de elección será por eliminación do libro menos apoiado ata que, en sucesivas votacións, a maioría seleccione un gañador.

8. O premio, que se entregará nun acto público no marco da Feira Internacional do Libro Infantil e Xuvenil de Chantada, consiste nunha figura orixinal de Buciños en homenaxe ao libro

PREMIO RAÑOLAS DE ILUSTRACIÓN INFANTIL E XUVENIL

1

O PREMIO RAÑOLAS DE ILUSTRACIÓN INFANTIL E XUVENIL ten como obxectivo salientar o carácter sobranceiro do traballo de ilustración para un libro infantil ou xuvenil de calquera dos xéneros literarios de ficción editado orixinalmente en galego.

2

Constitúe un recoñecemento público da calidade artística dunha obra e do seu autor, sen valorar outros aspectos da producción editorial nin incluír as edicións de carácter colectivo ou autor anónimo.

3

Só poderá ser distinguido co premio un dos libros publicados en primeira edición no ano precedente ao da reunión do xurado.

4

Considérase infantil ou xuvenil todo texto que se dirixa preferentemente a estas idades lectoras e se presente, se é o caso, nunha colección destinada a elas.

5

O xurado estará formado por un autor, un traductor, un crítico ou estudioso da literatura infantil-xuvenil, un ilustrador e un lector. A súa composición manterase en secreto ata que decida o premio.

6

Cada un dos seus membros deberá facer unha preselección na que figuren un máximo de cinco obras. Todas elas formarán a relación oficial de candidatos preseleccionados, que a organización remitirá aos compoñentes do xurado, para o seu coñecemento exclusivo e previo á data das deliberacións, sen indicación de preferencias.

7

O sistema de elección será por eliminación do libro menos apoiado ata que, en sucesivas votacións, a maioría seleccione un gañador.

8

O premio, que se entregará nun acto público no marco da Feira Internacional do Libro Infantil e Xuvenil de Chantada, consiste nunha figura orixinal de Buciños en homenaxe ao libro.