Xoán Babarro ingresou en 1968 no corpo de mestres, exercendo durante tres anos en Navia (Asturias), territorio que uns anos despois será obxecto da súa preocupación filolóxica na súa tese de doutoramento sobre os límites do galego de Asturias. Licenciado en Filosofía e Letras, actualmente é catedrático de Lingua e Literatura galega nun instituto de ensinanza secundaria de A Coruña. A súa preocupación pola lingua e cultura galegas maniféstase en numerosas publicacións didácticas, entre elas os primeiros textos escolares para a aprendizaxe da lingua galega.
Autor de de diversas traduccións ao galego, é autor dunha importante obra literaria destinada ao público infantil-xuvenil, caracterizada polo ton poético, a poderosa capacidade imaxinativa e o rigoroso traballo textual, nalgúns casos en colaboración coa súa compañeira, tamén escritora, Ana María Fernández.