Ao longo de oito capítulos, cóntanse as peripecias coas que Fol, un pequeno caracol arrincado do seu fogar, se deberá enfrontar na tentativa de regresar xunto aos seus. Un novo mundo, novas amizades, pero tamén novos perigos ábrense ante el, todo lle serve como aprendizaxe e descubrimento.
A autora ofrece un papel activo ao lector, concretado na súa intepretación dunha pequena cantiga, que actúa como constante na obra e da que se ofrece a notación musical. O libro péchase coa sección "Cando a autora fala de si", onde esta lembra a súa vida cando tiña nove anos, a idade aproximada dos lectores da súa obra.