Esta é a historia de Cora e da aventura fantástica que lle sucedeu despois de mercar un vestido coa súa nai. A Cora gústanlle os animais e divírtese moito cando vai de pesca con Tomé, o seu pai. Por iso elixe un vestido de verán con debuxos de peixiños que está no escaparate dunha tenda porque sospeita que un dos peixes lle chiscou un ollo.
A partir deste momento, Cora e o seu novo amigo Roxelio comezan a ser amigos e a compartir trasnadas e aventuras. Pero todo se complica cando por mor dun pelotazo Roxelio rompe os dentes. Cora lévao ao veterinario e este aconsella que o peixe sexa devolto á lagoa da súa vila. Tras se separar os amigos conseguen manter a súa relación gracias ás visitas de Cora cando vai de pesca co pai.