Aínda que se chamaba Valentino, o fillo dun rei vello e poderoso era bondadoso, adoraba a cociña e pasaba horas tocando o laúde. Pero tiña medo dos animais salvaxes e aborrecía a guerra. Endebén, converteuse nun heroe. Indo de cacería entretívose observando niños de paxaros en lugar de seguir os animais salvaxes e unha hiena levouno ao seu lombo, sen que el fixese nada, ao país veciño. A filla do rei, atraída polo seu carácter sensible, namorouse do heroe á forza. E alí, malia o seu medo e coa agudeza da princesa, conseguiu librar o reino dun león feroz. E tamén dun exército inimigo atado á cadeira do cabalo, pois o seu berro de medo foi interpretado polos rivais como un berro de guerra que os fixo retirar aterrorizados.
De tal xeito, converteuse no salvador do reino, onde nunca máis ninguén volveu falar de guerras nin de batallas. E Valentino reinou feliz.
Historia que adapta un conto orixinal de Etiopía con ilustracións reproducidas a toda páxina e a cores.