Unha morea de contos saíron á busca de alguén que os contase, porque desde que desapareceran os contacontos as boas historias queimábanse nas lareiras sen que ninguén lles fixese caso. Así deron coa vaca Xuvenca e o porco Cochón, que os adoptaron e baixo o nome artístico de Xuxú e Chonchi montaron con eles un espectáculo de moito éxito. Aquí recompílanse os contos que figuraron nel, aínda que lamentablemente non se pode reproducir a súa montaxe de música e baile.
Figuran a seguir os relatos: o do salaio laranxa, que organizaba as súas propias festas ata que llo impediu o Grand Buh, o atrapador de salaios; dos gogos que se lle apareceron a un neno ao almorzar; dun Birimbao tirado ao lixo que enfadou ao Kabuki; de Clara, que ás veces dáballe por ser transparente; do vento do norte e o do sur, liando sempre pero amigos que se botan en falta cando o outro desaparece; de Malandrú, monstro creado polos gurus da illa sudamericana de Bicanagua; do hipopótamo Mario, que se namorou dun oso polar e escapou con el para o Polo Sur; do dragón que consegue que o escritor de libros para nenos recupere do lixo a súa historia; de Guai, tan marchoso el, que resultou ser o conductor do autobús escolar; do conto desesperanzado que fai o océano máis grande coas súas bágoas. E como o público sempre pedía un "bis", remata o texto co xogo rítmico de Bis.