Cinco relatos diferentes estructuran esta obra. Todos eles teñen unha característica común: a mestura da realidade coa fantasía, do verdadeiro co lendario.
No libro teñen cabida dragóns, meigas, máquinas do tempo e mesmo camas voadoras, elementos fantásticos que reciben un tratamento orixinal.
A meiga do libro é unha nena que quere ter amigos. O dragón transforma o carácter malicioso dun mestre de escola e a cama voadora non ten outra fin que a de pasea-la súa dona por un mundo imaxinario.

A nosa literatura infantil e xuvenil 1994
Gálix (Asociación Galega do Libro Infantil e Xuvenil), Biblioteca Pública Municipal de Narón.
Coordinación: Blanca-Ana Roig Rechou.
Xunta de Galicia - Consellería de Cultura - Dirección Xeral de Cultura. Guías culturais, 7. 1996