Reúnense nesta publicación a cargo do Equipo de Normalización Lingüística do Colexio Público "Eugenio López" de Cee, traballos escolares elaborados polo alumnado deste colexio dos que destacan a súa "orixinalidade, fantasía, estilo, e calidade".
Contén unha escolma de poemas e contos, de extensión e temática variadas. Péchase a obra cunha novela curta, titulada "Eran inseparables", composta por doce capítulos e que ten como protagonistas a Monolo e Sole, dous nenos da Costa da Morte que reflicten os problemas, preocupacións e o vivir cotián das autoras, tres alumnas de 1º de E.S.O. As ilustracións de "Unha fervenza de soños" corren a cargo dos alumnos.

A nosa literatura infantil e xuvenil 1997
Gálix (Asociación Galega do Libro Infantil e Xuvenil).
Coordinación: Mª Isabel Soto López.
Xunta de Galicia - Consellería de Cultura - Dirección Xeral de Cultura. Guías culturais, 17. 1998