Volume que recompila catro libros do autor, Coplas, Nenos e Aloumiños, de 1988 e Poemas do Sol e da Lúa, de 1992.
Son poemas de extensión breve elaborados fundamentalmente a base de paralelismos ou xogos de palabras apoiados na tradición popular: cancións populares, nanas, coplas ou cancións de corro. Constrúe con elas un mundo idealizado que logra a través da utilización da natureza como elemento humanizado, cunha finalidade lúdica e de achegamento do xénero poético ao lectorado infantil.