Obra escrita polo Colectivo Garola no ano 1991 e estreada no mesmo ano polo Teatro-Escola Infantil de Narón (TEINA) e polo grupo de O Seixo no ano 1992, en Narón e Chanteiro, respectivamente. Presenta unha división en oito escenas, nas que se relata a historia de cómo Clementina, a avoa de Susi e Luís, fai desaparecer cun feitizo a Vicentiño, o fillo da veciña que deixara ao seu coidado mentres ela e Amparo, a nai dos outros rapaces, foran de compras. Xorde a dificultade cando se decatan de que aquilo que pretendían que fose unha broma se converte en realidade, tendo que facer mil peripecias para que ninguén se decate do acontecido. Remata o libro indicando unha serie de suxestións escenográficas, de atrezzo, mobiliario, vestiario e posta en escena.