Con grandes ilustracións en branco e negro preséntanse catro contos dirixidos á infancia.
En "O troleiro" nárranse as aventuras de Uxío, un neno afeito a contar mentiras, que vai de excursión cos seus amigos, encérraos nunha cabana e, á volta, cóntalles a máis incrible das súas historias. "O túnel do tempo" conta a experiencia que vive un neno nunha atracción de feira chamada o túnel do tempo. "O tío Rubén" relata as aventuras dun home que volve de América convertido nun grande escritor. Por último, en "Eu, o braseiro", o propio braseiro é o que narra a súa historia, dende que o fabricaron ata que acabou os seus días nun vertedoiro.