Edición institucional con tres relatos de tres recoñecidos autores da literatura infantil galega.
Abre o volume Úrsula Heinze con O invento, relato no que uns rapaces teñen a oportunidade de subir a unha máquina do tempo viaxando ata o 2000. Volven abraiados da destrucción atómica do planeta Terra, que eles á volta han intentar evitar.
En Cando o robot pequeno coñeceu a un neno portugués Paco Martín presenta o seu simpático robot SF2 nesta ocasión axudando a un neno orfo e solitario de orixe portuguesa.
Pecha o libro Helena Villar Janeiro con A vasoira máxica enfrontando unha aspiradora coas posibilidades dunha aparentemente vasoira vulgar, a máis desprezada da colección da meiga protagonista.