Peza teatral en sete actos. Os personaxes son os titirinautas, títeres do fantocheiro Rigoberto Sincopeto. Cando Sincopeto chega co seu teatriño á vila de Remos, por culpa do frío e da saraiba é imposible representar na praza pública. Entón solicítalle ó conde Pampín que lle permita facer a función no seu pazo. Pero o conde, que ten mal humor, non está interesado no teatro. Os títeres de Sincopeto rétano a unha carreira para ver quen é o primeiro que regresa dunha viaxe ás Illas Descoñecidas. Así é como os títeres se converten en titirinautas, e na súa viaxe van vivir moitas aventuras e visitar a Illa da Luz, a Illa da Alquimia e a Illa do Xeo