 |
Roncudo Lor, o comisario
xefe de policía da cidade, conta como solucionou dous sucesos
misteriosos grazas á axuda de Bilbo Bons, o máis grande e
descoñecido detective da historia. E aínda que semellan
fantásticos, el asegura que ocorreron realmente.
Estaba a cidade
consternada pola desaparición dunha simpática marsopa do zoo,
cando un día chegou á comisaría Bilbo e comezou a
contarlle: intrigado pola desaparición, seguiu a un home a quen atopou
de casualidade no mercado intentando comprar cincocentos trinta quilos de polbo
no mercado; así deu cunha fábrica de sopa, onde, con grande
perigo -pois mesmo caeu nunha caldeira xigantesca na que se preparaba sopa con
tropezóns e o ruxir das tripas coa fame, que non podían
solucionar as rosquillas da tía que sempre o acompañan, a piques
estivo de delatalo-, descubriu unhas placas que probaban o roubo de marsopas en
distintos zoos do país para utilizalas como tropezóns, asegurando
así o bo sabor da sopa sen gastar nada.
Outra vez, chamouno Bilbo
para que fose a un descampado detrás do colexio onde había vinte
buratos que botaban fume de noite e desaparecían de día. Con
grave risco para as súas vidas, descubriron que o doutor Gnga
pretendía, valéndose duns homes cegos que cavaban baixo terra con
martelos mecánicos e á luz duns fachos, descubrir o camiño
subterráneo construído polos ciclopes polo que camiñan as
forzas ocultas do planeta. Entón converteríase no amo do mundo.
Aínda que os envolveron nunhas redes -de onde os liberou o can amigo de
Bilbo-, a donosiña de Gnga tentou acabar con eles -que libraron grazas
aos pos de espirrar que levaba o enxeñoso detective- e caeron nun lago,
deron saído polos túneles ao exterior. Pero, eso si, o comisario
non puido prender ao maligno Gnga. Aínda que -tamén é
certo!- descubriu o camiño dos ciclopes. Por máis incrible que
poida parecer... |
