Cristina, a protagonista desta novela, é unha nena espontánea e con ideas propias, que vive no seo dunha familia numerosa e que devece polos animais. A través de breves capítulos, cóntansenos diferentes situacións da vida cotiá, que xiran sempre arredor dos pequenos conflictos que Cristina ten coas persoas adultas. Son problemas que xorden sen pretendelo ela (un conflicto coa profesora; a desfeita que monta xunto cunha amiga ó querer empapelar un cuarto; a liorta cun domador de circo...) e que sempre rematan por arranxarse satisfactoriamente.