As Forzas de Intervención Super Rápida dos Estados Unidos (FISREU) son incapaces de averiguar quén lles distorsiona as súas ondas magnéticas impedindo a comunicación desde a base de Estaca de Bares coa central americana. Por orde directa do presidente dos EE.UU., que ten información da súa eficacia, os xenerais encárganlle a Cacho Pampín, empregado da compañía "Seguridade Galega", descubrir o saboteador.
E leva adiante a misión co éxito previsto: descobre que as vacas salvaxes da zona teñen nos cornos unhas bobinas de cobre que crean un triángulo magnético que entorpece as ondas das emisións por satélite. Na Illa Coelleira, dá co responsable, un vello que montara todo por vellos rancores familiares contra os ianquis na emigración en Cuba e Vietnam. Desmontada a instalación, decide non revelar a identidade do saboteador aos poderosos americanos.