Un narrador protagonista en primeira persoa fainos partícipes da historia de Robin, un trasno frautista, e a súa compañeira de viaxe, a nena Pés Descalzos, que é quen de entrar no País Máxico gracias á axuda de Robin. De feito, os seres humanos só poden acceder a este espacio fantástico en sete momentos determinados, xeralmente esquecidos polas persoas.
Xa no País Máxico, Pés Descalzos e Robin teñen que superar unha restra de adversidades derivadas, fundamentalmente, das condicións e circunstancias que atopan neste mundo poboado por criaturas míticas e irreais. Pero Pés Descalzos ten unha boa razón para querer chegar ó seu destino: quere atopar a súa nai, que desapareceu montada nun fermoso cabalo branco mentres lle dicía adeus.