Libro de pequeno formato que se basea na narración visual a través de grandes ilustracións e moi pouco texto, no que se relatan as aventuras dunha comunidade de ratos que se ve ameazada pola chegada dun gato. Despois de moitas discusións e de celebrar unha asemblea xeral, deciden que a mellor solución é colocarlle un cascabel ó gato para saber, en todo momento, ónde se atopa. Ratomús ofrécese voluntario para realizar esa tarefa e, de paso, conquistar a Rataflor coa súa valentía. Para rematar, inclúese un obradoiro de lectura da man de Ana Mª Fernández.